Os ydych wedi gadael cyflogaeth â budd-daliadau gohiriedig ac yn marw cyn eu derbyn, bydd y budd-daliadau goroeswr i’w talu’n dibynnu ar a oeddech wedi gadael cyflogaeth â hawl i fudd-daliadau gohiriedig cyn neu ar ôl 1 Ebrill 2008.
- Pensiwn priod sy’n goroesi
Pryd bynnag y gadawsoch, caiff pensiwn ei dalu i’ch gwraig weddw neu’ch gŵr gweddw fel a ganlyn:
- Gwraig weddw
1/160 x eich tâl terfynol x yr aelodaeth mae’r pensiwn gohiriedig yn seiliedig arni.
Os ydych wedi priodi ar ôl gadael y gyflogaeth, mae pensiwn gŵr gweddw sy’n goroesi’n seiliedig ar aelodaeth ar ôl 5 Ebrill 1978.
- Gŵr Gweddw
1/160 x eich tâl terfynol x yr aelodaeth mae’r pensiwn gohiriedig yn seiliedig arni.
Os ydych wedi priodi ar ôl gadael y gyflogaeth, mae pensiwn gŵr gweddw sy’n goroesi’n seiliedig ar aelodaeth ar ôl 5 Ebrill 1988.
- Partner Sifil Cofrestredig sy’n Goroesi
Os yw partner sifil cofrestredig yn eich goroesi, mae cyfanswm y budd-dal goroeswr sy’n daladwy yn dibynnu ar y dyddiad y gadawsoch y gyflogaeth.
- Gadael ar neu cyn 31 Mawrth 2008
Cyfrifir pensiwn eich partner sifil cofrestredig sy’n goroesi fel a ganlyn:
1/160 x eich tâl terfynol x eich aelodaeth o 6 Ebrill 1978 hyd eich dyddiad gadael
- Gadael ar neu ar ôl 1 Ebrill 2008
Cyfrifir pensiwn eich partner cofrestredig sy’n goroesi fel a ganlyn:
1/160 x eich tâl terfynol x yr aelodaeth mae’r pensiwn gohiriedig yn seiliedig arni.
Os ydych wedi cofrestru ers gadael y gyflogaeth, mae pensiwn y partner sifil cofrestredig sy’n goroesi’n seiliedig ar aelodaeth ar ôl 5 Ebrill 1978.
- Partner Cyd-fyw Enwebedig sy’n Goroesi
Os yw partner cyd-fyw enwebedig yn eich goroesi, bydd cyfanswm y budd-dal goroeswr sy’n daladwy yn dibynnu ar y dyddiad y gadawsoch y gyflogaeth.
- Gadael ar neu cyn 31 Mawrth 2008
Nid ydych yn gymwys i enwebu partner cyd-fyw i dderbyn pensiwn goroeswr.
- Gadael ar neu ar ôl 1 Ebrill 2008
Caiff pensiwn goroeswr ei dalu ar yr amod eich bod wedi enwebu’ch partner i dderbyn pensiwn.
Mae’n rhaid I chi a’ch partner lofnodi ffurflen Partner sy’n Cyd-Fyw i gadarnhau y bodlonwyd meini prawf arbennig.
Cyfrifir y pensiwn fel a ganlyn:
1/160 x eich tâl terfynol x aelodaeth o 6 Ebrill 1988 hyd eich dyddiad gadael (ynghyd ag unrhyw aelodaeth cyn 6 Ebrill 1988 y penderfynoch dalu cyfraniadau ychwanegol ar ei chyfer)
