P’un a ydych yn agos at ymddeoliad neu beidio, nid yw’n rhy gynnar neu’n rhy hwyr i ddechrau meddwl am y math o fywyd rydych am ei gael pan rydych yn rhoi’r gorau i weithio. Efallai mai CGY yw’r union beth i hybu’ch buddion ymddeoliad a’ch helpu i gyflawni’ch breuddwydion ymddeoliad.
Gadewch i ni drafod beth ydynt a sut maent yn gweithio fel y gallwch wneud penderfyniad mwy gwybodus a phenderfynu os yw CGY o ddiddordeb i chi neu beidio.
Manteision
- Mae CGY yn eich caniatáu i adeiladu cronfa arian ar wahân fel rhan o’r Cynllun Pensiwn Llywodraeth Leol (LGPS). Gallwch ddefnyddio hon er mwyn cael buddion ymddeoliad ychwanegol.
- Mae’r cyfraniadau rydych yn eu gwneud yn daliadau treth effeithlon gan eich bod yn talu’r arian yn uniongyrchol o’ch cyflog cyn talu treth.
- Gallwch roi’r gorau iddi, ailgychwyn a newid eich cyfraniadau unrhyw bryd, er, os ydych yn rhoi’r gorau iddi neu’n lleihau’ch cyfraniadau, bydd hyn yn effeithio ar y swm o arian rydych yn ei gael yn y pen draw. Bydd taliadau’n parhau i gael eu didynnu hyd yn oed os ydych yn rhoi’r gorau i gyfrannu.
- Caiff eich arian CGY ei fuddsoddi mewn cronfeydd a chi sy’n dewis y rhai sy’n addas i chi.
Gan fod CGY yn seiliedig ar fuddsoddiad, mae’n bwysig cofio y gall gwerth yr arian ostwng yn ogystal â chynyddu, ac efallai na chewch yr un swm rydych wedi ei fuddsoddi yn ôl. Mae’r dreth rydych yn ei thalu yn dibynnu ar eich amgylchiadau unigol. Gall rheolau treth Cyllid a Thollau Ei Mawrhydi newid yn y dyfodol.
Lefel gyfrannu
Yn amodol ar gyfyngiadau cynllun a lwfans treth, gallwch dalu hyd at 100% o’ch tâl pensiynadwy bob mis ar ôl i ddidyniadau eraill megis Yswiriant Gwladol a’ch cyfraniad LGPS gael eu tynnu o’ch tâl. Os ydych yn cynyddu’ch cyfraniadau a dechreuodd eich cynllun CGY cyn 1 Ebrill 2014, gallwch dalu hyd at 50% o’ch tâl pensiynadwy bob mis.
Cymryd eich arian
O 55 oed gallwch gymryd hyd at 100% o’ch CGY fel cyfandaliad di-dreth ar yr un pryd â budd-daliadau prif gynllun cysylltiedig. (Ar yr amod nad yw’r cyfandaliad rydych yn ei gymryd o’r LGPS yn fwy na 25% o gyfanswm gwerth budd-daliadau eraill rydych yn eu derbyn ar y pryd gan yr LGPS, gan gynnwys eich CGY.)
Wrth gwrs, mae gennych opsiynau eraill hefyd:
- Gallwch wneud dim byd a gadael eich arian ble y mae: Nid yw cyrraedd 55 oed yn golygu bod yn rhaid i chi ddechrau cymryd arian o’ch cronfa – gallwch ei adael ble y mae.
- Gallwch gael incwm sicr am weddill eich bywyd: Mae incwm rheolaidd am weddill eich bywyd yn rhoi’r cysur i chi y bydd yr arian yn cael ei dalu am weddill eich oes. Gall hyd at 25% o’ch cronfa gael ei chymryd yn ddi-dreth. Mae’r incwm rydych yn ei gael yn drethadwy. Gelwir yr opsiwn hwn hefyd yn flwydd-dal. Gallwch gael mynediad i’ch buddion CGY yn y modd hwn wrth i chi ymddeol neu, yn amodol ar amodau arbennig, ar ôl i chi ymddeol.
- Cymryd cyfandaliad di-dreth a mwy o fuddion LGPS: Gallwch fel arfer gymryd hyd at 25% fel swm di-dreth a defnyddio’r gweddill i gael mwy o brif fuddion LGPS. Gallwch gael mynediad i’ch buddion CGY wrth ymddeol yn unig.
- Trosglwyddo: Gallwch drosglwyddo’ch cronfa CGY i gronfa arall ar unrhyw adeg cyn neu ar ôl i chi gyrraedd 55 oed. Bydd trosglwyddo’n eich galluogi i gael mynediad i opsiynau megis tynnu arian parod sy’n rhannol drethadwy neu dderbyn incwm hyblyg o 55 oed. Gallwch ddewis cronfa gan Prudential neu ddarparwr arall o’ch dewis chi.
Gallwch ddewis cyfuniad o’r opsiynau canlynol: Gallwch gymysgu rhai o’r opsiynau hyn neu’r holl opsiynau dros amser neu dros eich cronfa gyfan. Cofiwch os ydych yn trosglwyddo i gronfa arall, bydd angen i chi drosglwyddo cyfanswm eich cronfa CGY.
Mae yna reolau penodol sy’n berthnasol i ymddeoliad hyblyg a bydd gweinyddwr eich cynllun yn gallu dweud wrthych am yr hyn y gallwch ei wneud gyda’ch CGY, a phryd. Os ydych yn trosglwyddo rydym yn argymell eich bod yn cael arweiniad neu gyngor i’ch helpu gyda’r penderfyniad hwn. Gwasanaeth diduedd am ddim a gynigir gan y Llywodraeth yw Pension Wise a’i ddiben yw darparu arweiniad i chi a’ch helpu i ddeall eich opsiynau ymddeoliad wrth i chi gyrraedd 50 oed. Gallwch ddarganfod mwy yn www.pensionwise.gov.uk neu drwy ffonio 0800 280 8880 i drefnu apwyntiad personol neu dros y ffôn. Rydym yn argymell eich bod yn defnyddio’r gwasanaeth hwn i’ch helpu i ddeall eich opsiynau.
Opsiynau eraill i gynyddu’ch buddion ymddeoliad LGPS
Mae eich LGPS yn rhoi opsiynau eraill i chi er mwyn cynyddu’ch buddion ymddeoliad – gallwch ddod o hyd i fwy o wybodaeth ar eich gwefan LGPS.
Mwy o wybodaeth
I gael mwy o wybodaeth am CGY, ewch i www.pru.co.uk/lgsite. Fel arall, ffoniwch ein Tîm Ymddeoliad Arbenigol ar 0800 028 1493. Mae’r llinellau ar agor o ddydd Llun i ddydd Gwener rhwng 9am a 6pm. Nid ydynt yn gallu rhoi cyngor i chi, ond gallant siarad â chi am eich sefyllfa bersonol a helpu i ateb unrhyw gwestiynau sydd gennych mewn perthynas â CGY.
Mae Prudential yn enw masnachol ar gyfer Prudential Distribution Limited. Mae Prudential Distribution Limited wedi’i gofrestru yn yr Alban. Swyddfa Gofrestredig yn Craigforth Stirling FK9 4UE. Rhif cofrestredig SC212640. Wedi’i awdurdodi a’i reoleiddio gan yr Awdurdod Ymddygiad Ariannol.
