Yng nghyllideb 2014 cyhoeddodd y Canghellor y byddai newidiadau yn y ffordd y mae cynilion yn cael eu cadw o fewn cynlluniau pensiwn cyfraniad diffiniedig; er enghraifft gallai pensiynau rhanddeiliaid neu bersonol gael eu colli. O 6 Ebrill 2015 gall unrhyw un dros 55 oed godi eu cynilion fel arian parod; fodd bynnag, bydd y swm yn destun treth incwm gan ddibynnu ar amgylchiadau personol yr unigolyn.
Nid yw’r Cynllun Pensiwn Llywodraeth Leol (LGPS) yn gynllun pensiwn cyfraniad diffiniedig ac felly nid ydych yn gallu cael mynediad i’ch buddion pensiwn fel swm arian parod yn uniongyrchol o’r cynllun. Mae’r opsiynau sydd ar gael i aelodau o 55 oed yn cynnwys:
- Parhau i dalu i mewn i’r LGPS ac adeiladu ar eich buddion pensiwn. Wrth ymddeol, byddwch yn derbyn pensiwn sydd wedi’i ddiogelu yn erbyn chwyddiant, a’r opsiwn i dynnu hyd at 25% o werth eich cronfa bensiwn fel arian parod di-dreth.
- Ymddeol ar sail wirfoddol a chael mynediad yn syth i’ch buddion pensiwn sy’n daladwy am oes; er efallai y bydd llai o fuddion oherwydd taliad cynnar.
- Diogelwch ar gyfer eich teulu; os ydych yn marw yn eich swydd, bydd cyfandaliad grant marwolaeth yn daladwy i’r person(au) enwebedig ynghyd â phensiwn goroeswr i’ch priod, eich partner sifil cofrestredig, partner cymwys sy’n cyd-fyw â chi ac unrhyw blentyn/blant cymwys.
- Trosglwyddo manteision pensiwn o’r LGPS i drefniad pensiwn arall ar yr amod eich bod wedi gadael y cynllun, ac nid ydych o fewn 1 flwyddyn o’ch oedran pensiwn arferol (Oedran Pensiwn y Wladwriaeth, neu o leiaf 65 oed), neu eisoes yn derbyn eich pensiwn LGPS.
- Caiff gwerth trosglwyddo sy’n gyfwerth ag arian parod ei roi i chi o fewn 3 mis o’r dyddiad y mae’r Gronfa Bensiwn yn derbyn eich cais, ac mae gan y dyfynbris dyddiad gwarant o 3 mis o ddyddiad y cyfrifiad. Bydd hawl gennych i un gwerth trosglwyddo sy’n gyfwerth ag arian parod o fewn unrhyw gyfnod o 12 mis. Os ydych yn gwneud dewis cadarnhaol i drosglwyddo’ch buddion o’r Gronfa Bensiwn i drefniad pensiwn gwahanol, caiff taliad y gwerth trosglwyddo ei wneud o fewn 6 mis i’r dyddiad gwarant.
Ystyried trosglwyddo’ch pensiwn LGPS i drefniad arall?
Er bod y Llywodraeth wedi cadarnhau y bydd trosglwyddiadau o gynlluniau budd-dal diffiniedig megis y Cynllun Pensiwn Llywodraeth Leol yn cael eu caniatáu ar ôl mis Ebrill 2015, bydd rhaid darparu aelod etholedig boddhaol cyn i’r trosglwyddiad ddigwydd.
- Os bydd gwerth cyfwerth ag arian parod y buddion pensiwn yn fwy na £30,000, rhaid i aelodau geisio cyngor ariannol annibynnol gan Gynghorydd Ariannol cymeradwy a awdurdodwyd gan yr Awdurdod Ymddygiad Ariannol (AYA) cyn bwrw ymlaen â’r trosglwyddo. Ewch i’r ddolen ganlynol https://register.fca.org.uk/s/ a gwiriwch fod eich cynghorydd ar y rhestr; bydd hwn yn ffordd o osgoi’r bygythiad o weithgareddau twyllodrus posib a chyngor anaddas.
- Er nad yw’n ofynnol i geisio cyngor ariannol annibynnol os yw’r buddiannau’n llai na £30,000, argymhellir yn gryf y dylid ceisio cyngor proffesiynol fel bod unrhyw gomisiwn a dalwyd neu daliadau treth ychwanegol a gafwyd ar adeg y trosglwyddo’n ddealledig ymlaen llaw.
- Os ydych yn parhau â’r trosglwyddo o’ch buddiannau LGPS, a bod hyn o anfantais ariannol i chi, bydd angen i chi geisio iawndal gan y cyngor ariannol annibynnol a roddodd y cyngor i chi. Ni fyddwch yn cael eich ailosod yng Nghronfa Bensiwn yr LGPS nac yn derbyn iawndal ganddi.
- Bydd y costau a gafwyd drwy geisio cyngor ariannol annibynnol yn daladwy gennych chi, ac mae’n rhaid i chi gyflwyno tystiolaeth eich bod wedi derbyn cyngor ariannol annibynnol i’r Gronfa Bensiwn yn ystod cyfnod y trosglwyddo.
Am fwy o gyngor diduedd am drosglwyddo’ch buddiannau o’r LGPS, cliciwch ar y ddolen ganlynol a fydd yn mynd â chi i wefan y Rheolydd Pensiynau:
https://www.thepensionsregulator.gov.uk/en/pension-scams
Os ydych eisoes wedi ceisio cyngor ac wedi gwneud dewis cadarnhaol i drosglwyddo’ch buddiannau o’r LGPS, ac mae gennych unrhyw bryderon, ffoniwch Adran Action Fraud ar 0300 123 2040.
Mae’r Llywodraeth wedi sefydlu gwefan ddiduedd am ddim o’r enw Pension Wise er mwyn rhoi mwy o wybodaeth. Gallwch fynd i’r wefan drwy’r ddolen ganlynol: https://www.moneyhelper.org.uk/cy
Cyfraniadau Gwirfoddol Ychwanegol mewnol (AVC)
Efallai bydd y diwygiadau newydd yn gymwys i aelodau sy’n talu AVC ond ni chafwyd deddfwriaeth eto i nodi sut bydd hyn yn gweithio. Caiff mwy o wybodaeth ei darparu pan fydd ar gael.
