Mae dwy adran i’r Cynllun Pensiwn Llywodraeth Leol (CPLlL). Mae’r adran arferol, a elwir yn Brif Adran ac mae’r Adran 50/50. Y Brif Adran yw lle’r ydych chi’n talu cyfraniadau arferol ac yn derbyn y pensiwn arferol sy’n cael ei gronni. Gyda’r Adran 50/50 rydych chi’n talu hanner eich cyfraniadau arferol i gronni hanner eich pensiwn arferol.
Faint fydd y gost i chi ymuno â’r Adran 50/50?
Mae’r tabl canlynol yn dangos y bandiau cyfraniadau sy’n berthnasol yn y Brif Adran a’r Adran 50/50 rhwng 1 Ebrill 2023 a 31 Mawrth 2024:
| Eich Tâl Pensiynadwy Gwirioneddol | Cyfradd Cyfraniad ar gyfer y Brif Adran | Brif Adran | Adran 50/50 |
| Hyd at | £ 17,800.00 | 5.50% | 2.75% |
| £ 17,801.00 | £ 28,000.00 | 5.80% | 2.90% |
| £ 28,001.00 | £ 45,600.00 | 6.50% | 3.25% |
| £ 45,601.00 | £ 57,700.00 | 6.80% | 3.40% |
| £ 57,701.00 | £ 81,000.00 | 8.50% | 4.25% |
| £ 81,001.00 | £ 114,800.00 | 9.90% | 4.95% |
| £ 114,801.00 | £ 135,300.00 | 10.50% | 5.25% |
| £ 135,301.00 | £ 203,000.00 | 11.40% | 5.70% |
| £ 203,001.00 | or more | 12.50% | 6.25% |
A fydd yr Adran 50/50 yn effeithio ar eich sicrwydd bywyd, eich yswiriant salwch a’ch buddion goroeswr?
Os ydych yn cyfrannu o dan y Brif Adran neu’r Adran 50/50, byddwch yn cael sicrwydd yswiriant bywyd llawn, yswiriant salwch llawn a buddion goroeswr llawn pe byddech chi’n marw.
Sut bydd eich pensiwn yn cronni yn y Brif Adran ac yn yr Adran 50/50?
Mae’r enghraifft isod yn dangos y gwahaniaeth rhwng y cyfraniadau rydych yn ei dalu, a’r pensiwn rydych yn ei gronni rhwng y Brif Adran a’r Adran 50/50, gan ddefnyddio tâl pensiynadwy blynyddol o £18,000.
| Prif Adran | Adran 50/50 | |
| Cyfraniad (Gros): | £1,004 (5.80%) | £522 (2.90%) |
| Pensiwn s’n cael ei gronni: | £367.35 (1/49th) | £183.67 (1/98th) |
| Yswiriant Bywyd: | £54,000 (3 x £18,000) | £54,000 (3 x £18,000) |
Sut ydych chi’n ymuno â’r Adran 50/50?
Os hoffech chi ymuno ag Adran 50/50 y cynllun pensiwn, cysylltwch â’ch Cyflogwr / Cronfa Bensiwn i ofyn am y Ffurflen Etholiad Adran 50/50. Os oes gennych fwy nag un swydd, bydd angen i chi lenwi’r ffurflen ar gyfer pob swydd.
Pa mor hir y gallwch chi gyfrannu at yr Adran 50/50?
Mae’r Adran 50/50 wedi’i gynllunio i fod yn opsiwn tymor byr i’ch helpu chi yn ystod cyfnodau o galedi ariannol. Does dim terfyn amser i ba mor hir y gallwch chi aros yn yr Adran 50/50 o’r cynllun. Fodd bynnag, fel rhan o’r broses gofrestru awtomatig, byddwch yn cael eich rhoi yn ôl yn y Brif Adran bob tair blynedd ar y gyfradd gyfrannu lawn. Os ydych yn dymuno aros yn yr Adran 50/50, bydd angen i chi lenwi Ffurflen Etholiad Adran 50/50 newydd.
A allwch chi symud yn ôl i’r Brif Adran?
Gallwch, mae gennych yr opsiwn i symud yn ôl i’r Brif Adran ar unrhyw adeg. Bydd angen i chi lenwi ffurflen Etholiad i ailymuno â’r Brif Adran. Yna byddwch yn dechrau cronni buddion llawn yn y Brif Adran o’r cyfnod tâl nesaf.
Beth fydd yn digwydd os nad ydych ar unrhyw dâl oherwydd salwch neu anaf?
Os nad ydych yn derbyn tâl oherwydd salwch neu anaf, cewch eich symud yn ôl yn awtomatig i Brif Adran y cynllun pensiwn. Byddwch yn cronni buddion pensiwn ar y gyfradd lawn.
A allwch chi dalu cyfraniadau ychwanegol?
Os ydych yn yr Adran 50/50 o’r cynllun pensiwn ac yn talu neu’n ystyried talu cyfraniadau ychwanegol, cysylltwch â’r gronfa bensiwn i drafod sut bydd hyn yn effeithio ar yr Adran 50/50.
A yw fy Nghyflogwr yn gallu gofyn i mi / fy ngorfodi i ymuno â’r Adran 50/50?
Ni all eich cyflogwr ofyn i chi ymuno ag Adran 50/50 y cynllun na’ch gorfodi i wneud hynny. Os ydych yn teimlo bod eich Cyflogwr yn eich annog i ymuno ag Adran 50/50 y cynllun pensiwn, yna hysbyswch Y Rheoleiddiwr Pensiynau (TPR). Gallwch wneud hyn trwy eu gwefan: www.thepensionsregulator.gov.uk/cy
A all y Gronfa Bensiwn roi Cyngor Ariannol i mi?
Sylwer na all y Gronfa Bensiwn roi unrhyw gyngor ariannol i chi. Ar ôl i chi ystyried yr wybodaeth hon, efallai y bydd angen i chi ofyn am gyngor Ariannol Annibynnol cyn gwneud eich penderfyniad.
