Os byddwch wedi ysgaru neu os yw’ch partneriaeth sifil wedi’i diddymu, fe all effeithio ar eich pensiwn yn y Cynllun Pensiwn Llywodraeth Leol (CPLlL). Gofynnir i chi ddatga- eich buddion ariannol, a fydd yn cynnwys eich pensiwn o dan y CPLlL. Yna bydd y Llys yn ystyried y pensiwn hwn wrth benderfynu ar unrhyw setliad i’ch cyn-briod neu gyn-bartner sifil.
Felly bydd angen i chi a’ch cyn-briod/cyn-bartner sifil ddweud wrth y Llys am werth unrhyw bensiynau sydd gennych (ac eithrio Pensiwn y Wladwraieth). Yna fe allwch gytuno sut y dylid rhannu unrhyw bensiynau a bydd y Llys yn cyhoeddi naill ai Gorchymyn Rhannu Pensiwn neu Orchymyn Clustnodi Pensiwn i gadarnhau’r setliad.
Beth yw Gorchymyn Rhannu Pensiwn?
Mae Gorchymyn Rhannu Pensiwn yn drefniant sy’n rhannu’ch pensiwn pan fyddwch wedi ysgaru neu pan fydd eich partneriaeth sifil wedi’i diddymu, fel bod eich cyn-briod neu’ch cyn-bartner sifil yn cael rhan o’ch pensiwn.
Beth yw Gorchymyn Clustnodi Pensiwn?
Mae Gorchymyn Clustnodi yn drefniant lle telir rhan o bensiwn un person i’r cyn- briod neu gyn-bartner sifil pan delir y pensiwn hwnnw. Gall hyn fod naill ar ffurf cyfandaliad neu’n rhan o’ch pensiwn blynyddol. Yna bydd y taliad hwn yn dod i ben pan fyddwch chi’n marw neu os bydd eich cyn-briod neu’ch cyn-bartner sifil yn ailbriodi neu’n ymuno â phartneriaeth sifil newydd.
Beth os ydych chi eisoes yn derbyn pensiwn CPLlL?
Os ydych chi eisoes yn derbyn eich pensiwn CPLlL, dim ond cyfran o’ch pensiwn blynyddol y bydd eich cyn-briod neu’ch cyn-bartner sifil yn ei dderbyn ac ni fydd ganddo’r opsiwn i dderbyn cyfandaliad arian parod di-dreth.
Beth yw’r broses?
Bydd angen gwybodaeth benodol arnoch am eich buddion CPLlL fel rhan o’r achos ysgariad neu ddiddymu partneriaeth sifil. Mae’r wybodaeth hon yn cynnwys amcangyfrif o Werth sy’n Cyfateb i Arian Parod (CEV) eich pensiwn.
Mae’r siart a ganlyn yn dangos sut y bydd y broses yn gweithio.
| Gofynnwch i’r Gronfa Bensiwn am Werth sy’n Cyfateb i Arian Parod (CEV) | Bydd y Gronfa Beniswn yn darparu CEV i chi cyn pen 3 mis o ddydiad eich cais, neu’n gynt os am ddydiad Llys. Os ydych eisioes wedi derbyn CEV am ddim o fewn 12 mis i ddyddiad y cais, efallai y bydd cost. |
| Mae’r Llys yn cyhoeddi Gorchymyn Rhannu Pensiwn neu Orchymyn Clustnodi | |
| Rydych chi neu’ch cyfreithiwr yn rhoi’r Gorchymyn Rhannu Pensiwn neu Orchymyn Clustnodi i’r Gronfa Bensiwn | Bydd y Gorchymyn Rhannu Pensiwn neu Orchymyn Clustnodi yn nodi cyfran y pensiwn sydd i’w rannu neu ei glustnodi. Bydd Gorchymyn Rhannu Pensiwn hefyd yn dangos y dyddiad y mae’n effeithiol. |
| Mae’r Gronfa Bensiwn yn gweithredu Gorchymyn Rhannu Pensiwn neu Gorchymyn Clustnodi * | Bydd angen i chi a’ch cyn-briod neu cyn-bartner sifil dalu’r tâl am weithredu’r Gorchymyn cyn y gall y Gronfa Bensiwn wneud hynny. |
* Gallwch ddarganfod rhagor o wybodaeth am y taliadau am gyflenwi gwybodaeth ar gyfer neu weithredu Gorchymyn Llys o’r Gronfa Bensiwn.
Beth sy’n digwydd i’ch pensiwn CPLlL ar ôl i’ch ysgariad neu’ch diddymiad gael ei gwblhau?
- Ni fydd gan eich cyn-briod neu cyn-bartner sifil hawl i bensiwn goroeswr mwyach os byddwch chi’n marw o’u blaenau.
- Ni fydd pensiwn goroeswr a delir i unrhyw blant cymwys pan fyddwch yn marw yn cael ei effeithio.
- Bydd unrhyw gyfandaliad grant marwolaeth sydd i’w dalu pan fyddwch chi’n marw yn cael ei dalu i bwy bynnag rydych chi wedi’i nodi ar eich ffurflen enwebiad Grant Marwolaeth. Os bydd angen i chi newid hyn ar ôl eich ysgariad neu’ch diddymiad gael ei gwblhau, dylech lenwi ffurflen enwebiad Grant Marwolaeth newydd (oni bai fod y llys wedi cyhoeddi Gorchymyn Clustnodi sy’n nodi y dylid talu’r cyfan, neu ran o’r cyfandaliad grant marwolaeth, i’ch cyn-bartner neu’ch cyn-bartner sifil os byddwch chi’n marw o’u blaenau).
- Efallai y bydd eich cyn-briod neu’ch cyn-bartner sifil yn cael credyd pensiwn yn yr CPLlL, a fydd ar wahân i’ch pensiwn.
Beth os ydych chi’n ail-briodi neu’n ymuno â phartneriaeth sifil newydd?
Os gweithredir Gorchymyn Rhannu Pensiwn yn erbyn eich pensiwn CPLlL, bydd pensiwn unrhyw oroeswyr a delir i briod, partner sifil neu bartner cymwys sy’n cyd-fyw gyda chi hefyd yn cael ei leihau, pe byddech chi’n marw o’u blaenau. Efallai yr hoffech chi lenwi ffurflen enwebiad Grant Marwoleth newydd i newid unrhyw fuddiolwyr blaenorol ar y pwynt hwn. Gallwch fynd i wefan y Gronfa Bensiwn i lawrlwytho’r ffurflen hon yn: https://www.swanseapensionfund.org.uk/cy/ffurflenni-a-thaflenni/
Beth sy’n digwydd i gredyd pensiwn eich cyn-briod/cyn-bartner sifil?
Ar ôl gweithredu unrhyw Orchymyn Rhannu Pensiwn neu Orchymyn Clustnodi, bydd eich cyn-briod neu gyn-bartner sifil yn cael credyd pensiwn. Mae hwn yn bensiwn a ddyfarnwyd yn benodol iddynt yn y CPLlL, yn unol â’r debyd i’ch pensiwn. Sylwer ei fod wedyn ar wahân i’ch buddion.
Byddant yn gallu dewis:
- Cymryd taliad o’u credyd pensiwn o 55 oed gyda gostyngiadau yn seiliedig ar reolau cyfredol CPLlL; neu
- Cymryd taliad o’u credyd pensiwn yn eu hoedran pensiwn arferol (OPA), sydd o dan reolau cyfredol CPLlL, yr un fath â’u Hoedran Pensiwn y Wladwriaeth ond a allai newid yn y dyfodol.
Gellir talu’r credyd pensiwn yn gynharach hefyd ar sail afiechyd neu os yw’ch cyn briod neu gynbartner sifil yn dewis trosglwyddo eu credyd pensiwn i drefniant pensiwn arall.
Pryd allwch chi ddisgwyl derbyn CEV o’ch hawliau pensiwn?
Ar ôl i chi wneud y cais, dylech ddisgwyl derbyn y CEV cyn pen 3 mis. Efallai y bydd oedi gan fod angen gwybodaeth weithiau gan Gyllid a Thollau EM a’ch Cyflogwr. Dim ond ar ôl derbyn y wybodaeth hon y gall y Gronfa Bensiwn gyfrifo’r CEV.
Byddwch yn ymwybodol y gallai fod cost am ddarparu CEV i chi. Bydd hyn yn cael ei gadarnhau gan y Gronfa Bensiwn.
