Siarter Gwasanaeth Cwsmeriaid

Mae Cronfa Bensiwn Dinas a Sir Abertawe yn gweinyddu’r Cynllun Pensiwn Llywodraeth Leol (CPLlL) ar ran mwy nag 20 o gyflogwyr sy’n gymwys i gymryd rhan yn y Cynllun.

Nodau’r Gronfa Bensiwn yw:

• Darparu gwasanaeth cost-effeithiol o ansawdd uchel i’r holl aelodau ac ariannu cyflogwyr yn brydlon.
• Bod yn hygyrch, yn deg ac yn ddefnyddiol a thrin pawb yn gyfartal ac yn gwrtais.
• Sicrhau ein bod yn defnyddio iaith eglur ac wedi hyfforddi staff i ateb eich cwestiynau
• Bod staff yn cydymffurfio’n llawn â’r Rheoliad Cyffredinol ar Ddiogelu Data (GDPR) a Deddf Diogelu Data’r DU 2018 o ran cyfrinachedd aelodau. Mae’n ofynnol i’r holl staff gwblhau hyfforddiant GDPR/Diogelu Data gorfodol ar gylch dwy flynedd yn unol â chanllawiau Cyngor Abertawe
• Bod yn atebol trwy fonitro ansawdd y gwasanaeth ac adrodd a yw’r safonau wedi’u cyflawni ac adolygu’r amseroedd targed yn unol â deddfwriaeth yn rheolaidd.
• Ymgynghori ag aelodau a chyflogwyr y gronfa lle bynnag y bo modd gan ystyried eu barn cyn gwneud unrhyw newidiadau.
• Cydnabod ac ymateb o fewn yr amserlenni a nodir yn y Siarter hon
• Ceisio ateb eich ymholiad drwy’r pwynt cyswllt cyntaf sydd wedi’i gyhoeddi lle bynnag y bo modd
• Sicrhau bod yr wybodaeth a ddarparwn yn gywir, yn gyfredol ac yn ddwyieithog lle bo angen
• Darparu gwybodaeth mewn fformatau amgen lle gofynnir amdani, e.e. print bras, Braille
• Darparu gwasanaethau mewn ffordd sy’n cynnig gwerth da am arian i’r gronfa

Pan fydd angen i chi gyrchu gwasanaethau ar-lein byddwn yn:

• Darparu gwasanaethau ar-lein hygyrch, dwyieithog a hawdd eu defnyddio i chi gyda’r holl wybodaeth y mae ei hangen arnoch mewn un lle
• Darparu gwasanaethau ar-lein diogel a dibynadwy i chi
• Helpu’r aelodau hynny nad ydynt yn gallu defnyddio sianeli ar-lein gyda chefnogaeth dros y ffôn ac wyneb yn wyneb.

Os byddwch yn anfon e-bost atom, byddwn yn:

• Glir, yn defnyddio iaith eglur ac yn ateb yn ddwyieithog lle bo’n briodol
• Ymateb o fewn yr amserlenni a nodir yn y Siarter hon.

Os byddwch yn ffonio’r Gronfa, byddwn yn:

• Ceisio ateb eich galwad yn brydlon
• Rhoi opsiynau a gwybodaeth amgen i chi ar gyfer cael gafael ar wasanaethau yn ystod cyfnodau prysur
• Darparu mynediad at wasanaethau yn y Gymraeg ac mewn ieithoedd eraill.

Safonau Gwasanaeth

Mae’r siarter hon yn rhoi gwybodaeth am lefel y gwasanaeth y mae’r Gronfa Bensiwn yn anelu at ei ddarparu, ar gyfer meysydd gwasanaeth allweddol, o dan amgylchiadau arferol ac yn cymryd cydnabyddiaeth o Siarter Cwsmeriaid Corfforaethol Cyngor Abertawe.

Mae’r targedau’n nodi’r cyfnodau hiraf ar gyfer cyflawni’r camau a nodir ac fe’u nodir mewn diwrnodau gwaith. 

Mae’r targedau yn nodi’r cyfnodau hiraf i gyflawni’r camau a nodir ac fe’u nodir mewn diwrnodau gwaith.

Y nod yw cyflawni’r targedau hyn mewn o leiaf 90% o achosion. Ym mhob achos, lle mae taliad yn ddyledus, caniatewch amser ychwanegol i’r trafodiad BACS gael ei gredydu.

Yn gyfnewid, gofynnwn i chi:

• Bod yn gymwynasgar, yn gwrtais a’n trin â pharch ac urddas

• Deall y byddwn yn mynd i’r afael ag ymddygiad afresymol ac efallai y byddwn yn dod â’r sgwrs i ben, neu’n rhoi Polisi Ymddygiad Cwsmeriaid Afresymol Cyngor Abertawe ar waith os oes angen.

• Hysbysu’r Adran Bensiwn yn ysgrifenedig am unrhyw newidiadau yn eich amgylchiadau personol, er enghraifft newid cyfeiriad neu enwebiad grant marwolaeth; fel arall diweddarwch eich cofnod aelod drwy’r cyfleuster hunanwasanaeth Fy Mhensiwn Ar-lein a byddwn yn darparu cadarnhad ysgrifenedig o’r weithred.

Ein Hymrwymiad i Aelodau Newydd a Throsglwyddiadau i Mewn

• Byddwn yn darparu manylion y Cynllun o fewn 2 fis i ddod yn aelod gweithredol o’r CPLlL.
• Ar ôl derbyn eich Datganiad o Hawliau Pensiwn Blaenorol, ac ar ôl nodi unrhyw geisiadau i drosglwyddo, o fewn 10 niwrnod byddwn yn rhoi gwybodaeth a chyfarwyddyd perthnasol i chi i ymchwilio i’r trosglwyddiad.
• Ar ôl derbyn gwerth trosglwyddo o gynllun blaenorol, byddwn yn rhoi dyfynbris i’r aelod o fewn 10 niwrnod i’r hyn y bydd y gwerth trosglwyddo yn ei brynu o ran pensiwn ychwanegol a enillwyd yn y cynllun Cyfartaledd Cyflog Gyrfa wedi’i Adbrisio (CARE).
• Os yw’r trosglwyddiad yn mynd rhagddo, byddwn yn cadarnhau’n ysgrifenedig faint o bensiwn ychwanegol a geir o fewn y CPLlL o fewn 10 niwrnod gwaith i dderbyn y taliad o’r cynllun/trefniant blaenorol.
• Os oes gan aelod fuddion gohiriedig gyda Chronfa Bensiwn Dinas a Sir Abertawe ac mae’r aelodaeth yn aelodaeth CARE YN UNIG h.y. ar ôl 31/03/2014, byddwn yn cyfuno’r cofnod aelod gohiriedig yn awtomatig ag unrhyw aelodaeth weithredol ac yn ysgrifennu at yr aelod i gadarnhau.  Bydd gan yr aelod y 12 mis cyntaf o aelodaeth i ddewis cadw’r buddion ar wahân.
• Os oes gan aelod aelodaeth cyflog terfynol yn unig, h.y. aelodaeth cyn 01/04/2014, byddwn yn cysylltu â chi ac yn gofyn a ydych am ystyried trosglwyddo eich pensiwn cyflog terfynol i gynllun CARE. Nid yw cyfuno buddion yn awtomatig, a rhaid i aelod wneud dewis cadarnhaol i gyfuno’r ddau gyfnod aelodaeth ar wahân o fewn y 12 mis cyntaf ar ôl ailymuno â’r Cynllun.
• Os oes gan aelod gyflog terfynol ac aelodaeth CARE, byddwn yn cyfuno aelodaeth yn awtomatig oni bai bod yr aelod yn dewis cadw’r buddion ar wahân o fewn 12 mis cyntaf ailymuno â’r Cynllun. Os oes gan aelod doriad anghymwys mewn aelodaeth sy’n 5 mlynedd neu fwy, bydd hyn yn cael ei drin fel trosglwyddiad i mewn, a bydd gwerth trosglwyddo’r buddion gohiriedig sy’n gyfwerth ag arian parod yn prynu swm o bensiwn ychwanegol a enillir o fewn CARE.

Ein Hymrwymiad i Aelodau Presennol

Datganiadau Buddion Blynyddol

Yn unol â rheoliadau cyfredol y cynllun a phartneriaeth ar sail Cronfa Bensiwn Cymru Gyfan, darperir Datganiad Buddion Blynyddol i aelodau. Byddwn hefyd yn darparu nodiadau arweiniol atodol i helpu i ddeall y datganiad buddion. Bydd y datganiad yn dangos o leiaf amcangyfrif o werth cyfredol buddion cronedig, gwerth buddion arfaethedig ar gyfer oedran ymddeol arferol sy’n gysylltiedig ag oedran Pensiwn y Wladwriaeth aelodau; a gwerth amcangyfrifedig buddion marwolaeth ar 31 Mawrth ynghyd â’ch person enwebedig. Bydd Datganiadau Buddion Blynyddol ar gael i’w gweld ar-lein ar gyfer aelodau gweithredol erbyn 31 Awst.  Bydd aelodau sydd wedi ‘optio allan’ o dderbyn cyfathrebiadau electronig yn derbyn copi caled o’r Datganiad Buddion Blynyddol drwy’r post i’r cyfeiriad cartref hysbys diwethaf, ar yr amod y derbynnir yr wybodaeth gywir gan Gyflogwr y Gronfa erbyn 31 Mai.

Newidiadau i fanylion

Byddwn yn diweddaru unrhyw newidiadau mewn manylion personol a/neu aelodaeth o fewn 10 diwrnod gwaith ar ôl derbyn yr hysbysiad a bydd cadarnhad ysgrifenedig o newid o’r fath yn cael ei ddarparu i’r aelod.

Contractau Cyfraniad Ychwanegol

Byddwn yn darparu gwybodaeth i’r aelod sy’n ymwneud â chontractau cyfraniadau ychwanegol (Contractau Cyfraniadau Pensiwn Ychwanegol/Contractau Gwirfoddol Ychwanegol) o fewn 10 diwrnod gwaith ar ôl gwneud cais.

Bydd unrhyw gontractau newydd, neu addasiadau a wneir i daliad cyfraniadau ychwanegol presennol, yn cael eu gweithredu gan adran gyflogres eich cyflogwr ar y cyfnod cyflogres nesaf ar ôl i’r dewis gael ei dderbyn (noder: mae Prudential yn delio ag unrhyw newidiadau i daliadau Cyfraniadau Gwirfoddol Ychwanegol (AVC) i Prudential).

Byddwn yn hysbysu’r darparwr AVC o fanylion gadael o fewn 5 diwrnod gwaith o ddyddiad y terfynu, yn amodol ar dderbyn gwybodaeth gan adran gyflogres yr aelod ac yn setlo taliad y gronfa AVC o fewn 10 diwrnod gwaith o dderbyn y taliad neu erbyn y cyfnod cyflogres nesaf os caiff ei gymryd fel blwydd-dal ychwanegol.

Amcangyfrif o Fuddion/darparu dyfynbris Gwerth Trosglwyddo Cyfwerth ag Arian at ddibenion Ysgariad

Byddwn yn cyhoeddi dyfynbris buddion ymddeol o fewn 7 diwrnod gwaith neu’n darparu dyfynbris Gwerth Trosglwyddo Cyfwerth ag Arian at ddibenion ysgariad o fewn 10 diwrnod ar ôl derbyn yr holl wybodaeth gan adran gyflogres yr aelod i’n galluogi i ymateb i gais yr aelod.

Talu Buddion Ymddeol

Bydd manylion y buddion ymddeol sy’n daladwy a’r opsiynau sydd ar gael yn cael eu rhoi i’r aelod o fewn 5 niwrnod gwaith i dderbyn yr holl fanylion perthnasol gan adran gyflogres cyflogwr yr aelod.

Telir unrhyw gyfandaliad o fewn 10-15 diwrnod gwaith ar ôl derbyn yr holl ffurflenni opsiynau pensiwn wedi’u cwblhau a dogfennau ategol i’r cyfrif banc a enwebwyd gan yr aelod.

Bydd y pensiwn yn cael ei dalu o’r cyfnod cyflogres nesaf sydd ar gael ar ôl y dyddiad ymddeol ar yr amod bod yr holl waith papur angenrheidiol wedi’i dderbyn a bydd yn cynnwys unrhyw ôl-ddyledion sy’n ddyledus. Byddwn yn anfon cadarnhad ysgrifenedig at yr Adran Cyflogres Pensiwn yn cadarnhau symiau pensiwn blynyddol a misol ac unrhyw ôl-ddyledion sy’n weddill oherwydd taliad hwyr.

Byddwn yn cydnabod cwblhau’r broses ymddeol o fewn 1 mis ar ôl dyddiad yr ymddeoliad ac o fewn 5 diwrnod gwaith o dderbyn a phrosesu’r opsiynau pensiwn ymddeol a gwblhawyd gan yr aelod.  

Mae’n ofynnol i’r aelod pensiwn roi gwybod i ni os yw’n ymgymryd â chyflogaeth bellach gydag unrhyw awdurdod lleol arall neu unrhyw gyflogwr sy’n cymryd rhan yn y CPLlL yn ystod ei ymddeoliad.

Ymadawyr Cynnar

Os nad ydych yn gymwys i dderbyn eich buddion pensiwn pan fyddwch yn gadael cyflogaeth CPLlL, bydd ffurflen opsiwn yn cael ei dosbarthu o fewn 10 diwrnod gwaith o dderbyn hysbysiad o’r dyddiad gadael gan adran gyflogres cyflogwr yr aelod.

Buddion Gohiriedig

Byddwn yn cyhoeddi cadarnhad o’r buddion gohiriedig o fewn 2 fis i ddyddiad y terfynu. Os oedd yr aelodau wedi gohirio buddion o ganlyniad i aelod yn peidio bod yn rhan o’r cynllun ar neu ar ôl 11/04/2015; ni all yr aelod gyfuno aelodaeth weithredol yn y dyfodol o fewn y CPLlL.

Trosglwyddo Allan

Bydd y Gronfa’n cyhoeddi dyfynbris Gwerth Trosglwyddo sy’n Cyfateb i Arian Parod (CETV), wedi’i warantu am 3 mis, o fewn 20 niwrnod gwaith  ar ôl derbyn cais gan yr aelod, darparwr pensiwn newydd yr aelod neu Ymgynghorydd Ariannol Annibynnol.

Bydd taliad gwerth trosglwyddo yn cael ei wneud o fewn 10 diwrnod gwaith o dderbyn dewis cadarnhaol i fwrw ymlaen â’r trosglwyddiad.

Cyfrifoldeb y gronfa yw penderfynu a yw’r cynllun derbyn yn un y gallwn drosglwyddo buddion iddo’n gyfreithlon. Mae gennym ddyletswydd i weithredu er budd holl aelodau’r cynllun, gan gynnwys y rhai sy’n gofyn am drosglwyddo i drefniant arall. Byddwn yn cymryd pob cam rhesymol i sicrhau bod y cynllun derbyn y bydd y gwerth trosglwyddo’n cael ei dalu iddo’n gynllun y mae ei ymddiriedolwyr neu reolwyr yn gweithredu’n ddidwyll mewn perthynas ag ef. Gall y gwiriadau diwydrwydd dyladwy hyn ymestyn yr amser y mae’n ei gymryd i gwblhau’r broses o drosglwyddo buddion pensiwn.

Sylwch nad yw’r targedau’n berthnasol i drosglwyddiadau i drefniadau tramor neu achosion sy’n ymwneud â Gorchymyn Rhannu Llys yn dilyn setliad ysgariad.

Ad-daliad Cyfraniadau

Os byddwch yn ymddiswyddo neu’n dewis peidio bod yn rhan o’r cynllun o fewn 2 flynedd i ddod yn aelod o’r cynllun, telir ad-daliad o gyfraniadau o fewn 10 diwrnod gwaith o dderbyn cais aelod am daliad. Ni fyddwch yn gymwys i gael ad-daliad o gyfraniadau os ydych wedi bod yn y cynllun am lai na 2 flynedd ac wedi:

1. Ailymuno â’r CPLlL o fewn 1 mis ac un diwrnod neu gael swydd weithredol gyfredol ar wahân
2. Bod gennych fuddion gohiriedig blaenorol
3. Wedi trosglwyddo hawliau pensiwn blaenorol i’r CPLlL lle mae cyfanswm yr aelodaeth yn fwy na 2 flynedd

Os ydych chi’n ansicr ynghylch derbyn yr ad-daliad cyfraniadau, gallwch ddewis cael ad-daliad gohiriedig a fydd yn cael ei gadw yn y CPLlL am uchafswm o 5 mlynedd pan fydd yr ad-daliad yn dod yn daladwy yn awtomatig.

Byddwch yn cael enghraifft o Swm Trosglwyddo Arian Parod (CTS), y gellir ei drosglwyddo i gynllun arall sy’n fodlon ei dderbyn. Rhoddir tri mis i chi o’r dyddiad ar eich llythyr er mwyn gwneud cais am drosglwyddiad o’r fath. Os na fyddwch yn ymateb o fewn y cyfnod o dri mis, byddwch yn colli’ch opsiwn i drosglwyddo a thelir ad-daliad o gyfraniadau.

Talu Buddion Marwolaeth (Marwolaeth yn y Gwasanaeth)

Bydd y Gronfa yn anfon ffurflenni hawlio perthnasol at y perthynas agosaf neu’r cynrychiolydd cyfreithiol/cynrychiolwyr cyfreithiol o fewn 5 diwrnod gwaith o roi gwybod am farwolaeth yr aelod.

Byddwn yn darparu manylion y buddion sy’n daladwy o fewn 7-10 diwrnod gwaith ar ôl derbyn y ffurflenni cais am fuddion goroeswr wedi’u llenwi a’r dystiolaeth ategol yn ôl y gofyn. Bydd pensiwn goroeswr yn cael ei dalu o’r cyfnod cyflogres nesaf sydd ar gael ar yr amod bod yr holl amodau cymhwysedd wedi’u bodloni.

Bydd y taliad grant marwolaeth cyfandaliad yn cael ei dalu o fewn 10 diwrnod gwaith ar ôl derbyn y ffurflen gais am grant marwolaeth wedi’i chwblhau a/neu’r penderfyniad a wnaed gan y Panel Pensiwn yn unol â’r pwerau dewisol a ddynodwyd iddynt yn Rheoliadau CPLlL sy’n caniatáu dyfarniad taliad o’r fath fel y tybir yn briodol. Sylwch fod y cyfandaliad grant marwolaeth yn ddi-dreth ac nid yw’n ffurfio rhan o ystâd yr aelod ymadawedig.

Adroddiad Blynyddol y Gronfa Bensiwn

Byddwn yn sicrhau bod Adroddiad Blynyddol y Gronfa Bensiwn ar gael ar ein gwefan www.swanseapensionfund.org.uk .

Cylchlythyrau

Byddwn yn diweddaru adran “Newyddion” ein gwefan ac yn cyhoeddi cylchlythyrau i aelodau o bryd i’w gilydd i gyfleu unrhyw newidiadau i’r rheoliadau neu i ddarparu diweddariadau ynghylch unrhyw faterion sy’n cael eu hystyried yn berthnasol.

Ein Hymrwymiad i Aelodau sy’n Bensiynwyr

Taliad

Gwneir taliadau pensiwn gan adran Gyflogres Cyngor Abertawe ar ddiwrnod bancio olaf pob mis.

P60au

Bydd P60 yn cael ei roi gan ein Hadran Cyflogres Pensiwn yn flynyddol i unrhyw aelod sy’n bensiynwr sydd wedi talu treth incwm.

Slipiau cyflog

Rhoddir slipiau cyflog i aelodau sy’n bensiynwyr gyda’r taliad cyntaf a phan fydd newid o +/- £10 i’r pensiwn sy’n cael ei dalu. Caiff slipiau cyflog eu cyhoeddi amlaf ym mis Ebrill neu fis Mai.

Newidiadau i wybodaeth a ddelir/swm y pensiwn

Bydd unrhyw newidiadau i fanylion personol a/neu gôd treth yn cael eu diweddaru gan Adran Gyflogres Cyngor Abertawe o fewn 5 niwrnod gwaith i dderbyn yr hysbysiad ysgrifenedig a byddant yn effeithiol o’r cyfnod cyflogres nesaf.

Bydd unrhyw newidiadau i swm y pensiwn sy’n cael ei dalu (ac eithrio cynnydd mewn pensiynau) yn cael eu gweithredu o’r cyfnod cyflogres nesaf ar ôl dyddiad y newid a bydd yr aelod pensiwn yn cael gwybod cyn i’r taliad hwnnw gael ei wneud.

Cylchlythyr

Cyhoeddir cylchlythyr yn flynyddol, erbyn 30 Ebrill, i roi cadarnhad o swm y codiadau (os o gwbl) a gymhwysir i bensiynau ar gyfer y flwyddyn honno; i gadarnhau dyddiadau talu ar gyfer y flwyddyn i ddod ac i ddarparu unrhyw wybodaeth berthnasol ychwanegol.

Pensiynau ac Ysgariad

Mae ffioedd yn daladwy gan aelodau sy’n bensiynwyr pan dderbynnir cais am dystiolaeth o ddaliadau buddion pensiwn, ar y cyd â materion priodasol.

Marwolaeth Pensiynwr

Bydd y Gronfa yn cydnabod unrhyw hysbysiad a dderbynnir mewn perthynas â marwolaeth aelod sy’n bensiynwr ac yn anfon ffurflenni perthnasol ymlaen at y perthynas agosaf neu’r cynrychiolydd/cynrychiolwyr cyfreithiol o fewn 5 diwrnod gwaith i hysbysiad y farwolaeth.

Byddwn yn darparu manylion y buddion sy’n daladwy o fewn 7-10 diwrnod gwaith ar ôl derbyn y ffurflenni cais am fuddion goroeswr wedi’u llenwi a’r dystiolaeth ategol yn ôl y gofyn. Bydd pensiwn goroeswr yn cael ei dalu o’r cyfnod cyflogres nesaf sydd ar gael ar yr amod bod yr holl amodau cymhwysedd wedi’u bodloni.

Bydd y taliad grant marwolaeth cyfandaliad yn cael ei dalu o fewn 10-15 diwrnod gwaith ar ôl derbyn y ffurflen gais am grant marwolaeth wedi’i chwblhau a/neu’r penderfyniad a wnaed gan y Panel Pensiwn yn unol â’r pwerau dewisol a ddynodwyd iddynt yn Rheoliadau CPLlL sy’n caniatáu dyfarniad taliad o’r fath fel y tybir yn briodol. Sylwch fod y cyfandaliad grant marwolaeth yn ddi-dreth ac nid yw’n ffurfio rhan o ystâd yr aelod ymadawedig.

Mewn achosion o ordaliad pensiwn i’r aelod ymadawedig; bydd hwn yn cael ei adennill, naill ai drwy wrthbwyso’r taliad yn erbyn unrhyw bensiwn partner, neu byddwn yn ysgrifennu at gynrychiolydd yr aelod ymadawedig.

Ein Hymrwymiad i Aelodau Gohiriedig

Datganiadau Buddion Blynyddol

Bydd Datganiad Buddion Blynyddol sy’n dangos gwerth presennol y budd(ion) gohiriedig, gan gynnwys unrhyw brawf chwyddiant a gymhwysir, ar gael ar-lein i aelodau gohiriedig erbyn 31 Mai. Bydd aelodau sydd wedi dewis peidio e-gyfathrebu yn derbyn copi caled o’r Datganiad Buddion Blynyddol ar yr amod bod cyfeiriad cyfredol yn cael ei gadw.

Talu Buddion Gohiriedig

Cyn belled â bod gennym gyfeiriad cyfredol, bydd y Gronfa yn hysbysu’r aelod gohiriedig bod buddion yn daladwy neu’n darparu manylion am yr opsiwn i ddewis talu’n gynnar; y dyddiad yn dod i rym yn ddibynnol ar y dyddiad y daeth y buddion yn ohiriedig – isafswm oedran 55, ynghyd â’r ffurflenni perthnasol sy’n ofynnol, 3 mis cyn y dyddiad dyledus.

Bydd y pensiwn yn cael ei dalu o’r cyfnod cyflogres nesaf sydd ar gael ar ôl y dyddiad ymddeol ar yr amod bod yr holl waith papur angenrheidiol wedi’i dderbyn a bydd yn cynnwys unrhyw ôl-ddyledion sy’n ddyledus. Byddwn yn anfon cadarnhad ysgrifenedig at yr Adran Gyflogres Pensiwn yn cadarnhau symiau pensiwn blynyddol/misol ac unrhyw ôl-ddyledion sy’n weddill oherwydd taliad hwyr.

Telir unrhyw gyfandaliad o fewn 10-15 diwrnod gwaith ar ôl derbyn yr holl ffurflenni opsiwn pensiwn wedi’u cwblhau a dogfennau ategol i’r cyfrif banc a enwebwyd gan yr aelod.

Byddwn yn cydnabod cwblhau’r broses ymddeol o fewn 1 mis ar ôl dyddiad yr ymddeoliad ac o fewn 5 diwrnod gwaith o dderbyn a phrosesu’r opsiynau pensiwn ymddeol a gwblhawyd gan yr aelod.  

Mae’n ofynnol i’r aelod pensiwn roi gwybod i ni os yw’n ymgymryd â chyflogaeth bellach gydag unrhyw awdurdod lleol arall neu unrhyw gyflogwr sy’n cymryd rhan yn y CPLlL yn ystod ei ymddeoliad.

Marwolaeth aelod gohiriedig

Bydd y Gronfa yn cydnabod unrhyw hysbysiad a dderbynnir mewn perthynas â marwolaeth aelod gohiriedig ac yn anfon ffurflenni perthnasol ymlaen at y perthynas agosaf neu’r cynrychiolydd/cynrychiolwyr cyfreithiol o fewn 5 diwrnod gwaith i hysbysiad y farwolaeth.

Byddwn yn darparu manylion y buddion sy’n daladwy o fewn 7-10 diwrnod gwaith ar ôl derbyn y ffurflenni cais am fuddion goroeswr wedi’u llenwi a’r dystiolaeth ategol yn ôl y gofyn. Bydd pensiwn goroeswr yn cael ei dalu o’r cyfnod cyflogres nesaf sydd ar gael ar yr amod bod yr holl amodau cymhwysedd wedi’u bodloni.

Bydd y taliad grant marwolaeth cyfandaliad yn cael ei dalu o fewn 10-15 diwrnod gwaith ar ôl derbyn y ffurflen gais am grant marwolaeth wedi’i chwblhau a/neu’r penderfyniad a wnaed gan y Panel Pensiwn yn unol â’r pwerau dewisol a ddynodwyd iddynt yn Rheoliadau CPLlL sy’n caniatáu dyfarniad taliad o’r fath fel y tybir yn briodol. Sylwch fod y cyfandaliad grant marwolaeth yn ddi-dreth ac nid yw’n ffurfio rhan o ystâd yr aelod ymadawedig.

Canmoliaeth a Chwynion

Rydym yn croesawu ac yn gwerthfawrogi sylwadau ar safon y gwasanaeth a ddarparwn. Dylid anfon unrhyw sylwadau atom yn y cyfeiriad a ddangosir isod, neu fel arall ffoniwch ein Swyddog Cyfathrebu ymroddedig ar 01792 636655.

Er ein bod bob amser yn ceisio gwneud pethau’n gywir, rydym yn cydnabod y gall pethau fynd o chwith weithiau. Os ydych yn anfodlon â’r ffordd y cawsoch eich trin, cysylltwch â’r Rheolwr Pensiynau ar 01792 636655 lle gwneir pob ymdrech i egluro neu unioni unrhyw gamddealltwriaeth.

Os byddwch yn dal i fod yn anfodlon, gallwch wneud cwyn ffurfiol i:

Cwyn yw … ‘Mynegiant o anfodlonrwydd am y weithred neu ddiffyg gweithredu neu am safon gwasanaeth, p’un a yw’r camau a gymerwyd neu’r gwasanaeth wedi’u darparu gan yr Adran neu drydydd parti. Nid yw cwyn yn gais cychwynnol am wasanaeth .’

Pan wneir cwyn ffurfiol, byddwn yn cydnabod ei derbyn, neu’n ymateb o fewn 5 diwrnod gwaith. Byddwn yn ymdrechu i ddarparu esboniad llawn o’n canfyddiadau ac, os oes angen, pa gamau y bwriadwn eu cymryd i ddatrys unrhyw faterion sydd heb eu datrys o fewn 10 diwrnod gwaith pellach.

Fodd bynnag, os nad ydych yn gwbl fodlon â’r atebion i’ch ymholiadau pensiwn neu os oes gennych broblem na all yr Adran Bensiwn ei datrys, gallwch apelio o dan y Weithdrefn Datrys Anghydfodau Mewnol (IDRP); mae gwybodaeth ar gael ar ein gwefan  www.swanseapensionfund.org.uk . Mae’n rhaid gwneud unrhyw apêl o fewn chwe mis i’r hysbysiad o’r penderfyniad gwreiddiol a byddwn yn darparu’r ffurflen briodol ar eich cais.

Nid yw ymrwymiadau’r Siarter Cwsmeriaid yn effeithio ar eich hawliau statudol.

Diweddarwyd Ebrill 2024