Mae’r Oedran Pensiwn Arferol (OPA) yn y Cynllun Pensiwn Llywodraeth Leol (CPLlL) wedi’i gysylltu â’ch Oedran Pensiwn Y Wladwriaeth (OPW), gydag isafswm oedran o 65 oed (ond os bydd eich OPW yn newid yn y dyfodol, bydd eich OPA hefyd yn newid yn y CPLlL). Gallwch ymddeol yn wirfoddol o 55 oed ymlaen, ond gellir lleihau eich buddion yn actiwarïaid i ystyried taliad cynnar cyn eich OPA, fodd bynnag, efallai cewch eich amddiffyn rhag rhan o’r gostyngiad hwn o leiaf, oherwydd y Rheol 85 Mlynedd.
Beth yw’r Rheol 85 Mlynedd?
Efallai bydd y Rheol 85 Mlynedd yn amddiffyn rhai neu bob un o’ch buddion rhag cael eu lleihau os penderfynwch ymddeol cyn eich OPA. Mae lefel yr amddiffyniad yn dibynnu ar eich dyddiad geni. Er mwyn bodloni’r Rheol 85 Mlynedd, mae’n rhaid eich bod wedi bod yn gwneud cyfraniadau pensiwn i’r CPLlL rhwng 1 Ebrill 1998 a 30 Medi 2006 a rhaid i’ch oedran ynghyd a’ch aelodaeth yn y cynllun (y ddau wedi mesur mewn blynyddoedd cyfan) gyfateb i 85 neu fwy ar eich ymddeoliad.
A wyf yn cael fy niogelu dan y Rheol 85 Mlynedd?
Os oeddech chi’n talu cyfraniadau pensiwn i mewn i’r CPLlL ar 30 Medi 2006 ac yn penderfynu ymddeol cyn eich OPA, ar ôl bodloni amodau’r Rheol 85 Mlynedd, bydd rhywfaint o ddiogelwch gennych.
Os cawsoch eich geni ar neu cyn 31 Mawrth 1956, bydd yr holl fuddion a gronnwyd hyd at 31 Mawrth 2016 yn cael eu talu heb ostyngiad. Bydd y buddion o 1 Ebrill 2016 ymlaen yn cael eu gostwng am y cyfnod o’ch dyddiad gadael tan eich OPA.
Os cawsoch eich geni ar neu rhwng 1 Ebrill 1956 a 31 Mawrth 1960, bydd yr holl fuddion a gronnwyd hyd at 31 Mawrth 2008 yn cael eu talu heb ostyngiad, ond bydd buddion a gronnwyd rhwng 1 Ebrill 2008 a 31 Mawrth 2020 yn cael eu gostwng ar sail ‘daprog’ am y cyfnod o’ch dyddiad gadael hyd at 65 oed (yr oedran ymddeol arferol dan gynllun 2008). Bydd unrhyw fuddion a chronni’r ar ôl 1 Ebrill 2020 yn cael eu gostwng yn llawn am y cyfnod rhwng eich dyddiad gadael hyd at eich OPA. Os cawsoch eich geni ar neu ar ôl 1 Ebrill 1960, bydd buddion a chronni’r hyd at 31 Mawrth 2008 yn cael eu talu heb ostyngiad, ond bydd buddion a gronnwyd rhwng 1 Ebrill 2008 hyd at eich dyddiad gadael yn cael eu gostwng yn llawn. Ar gyfer aelodaeth o 1 Ebrill 2008 hyd at 31 Mawrth 2014, bydd gostyngiad yn berthnasol am y cyfnod o’ch dyddiad gadael hyd at eich pen-blwydd yn 65 oed. Bydd eich aelodaeth o 1 Ebrill 2014 ymlaen yn cael ei gostwng am y cyfnod o’ch dyddiad gadael hyd at eich OPA.
Faint o ‘ostyngiad’ fydd?
Bydd eich buddion yn cael eu gostwng yn unol â’r cyfarwyddyd a roddwyd gan Adran Actiwari’r Llywodraeth (GAD). Bydd y cyfnod o’ch dyddiad gadael tan yr oedran ymddeol priodol yn cael ei gyfrifo mewn blynyddoedd a diwrnodau, felly bydd canran y gostyngiad yn cael ei haddasu ar gyfer blynyddoedd rhannol. (Daeth y Ffactorau Gostyngiad hyn i rym ar 03/07/2023).
| Nifer y Blynyddoedd a Dalwyd yn Gynnar | Gostyngiad i’r Pensiwn Blynyddol | Gostyngiad i’r Lwmp Swm Awtomatig |
| 0 | 0% | 0% |
| 1 | 4.9% | 1.7% |
| 2 | 9.3% | 3.3% |
| 3 | 13.5% | 4.9% |
| 4 | 17.4% | 6.5% |
| 5 | 20.9% | 8.1% |
| 6 | 24.3% | 9.6% |
| 7 | 27.4% | 11.1% |
| 8 | 30.3% | 12.6% |
| 9 | 33.0% | 14.1% |
| 10 | 35.6% | 15.5% |
| 11 | 39.5% | Ddim yn Berthnasol |
| 12 | 41.8% | Ddim yn Berthnasol |
| 13 | 43.9% | Ddim yn Berthnasol |
A fydd y Rheol 85 Mlynedd yn berthnasol os ymddeolaf o 55 oed?
Mae modd i chi ymddeol a derbyn eich buddion pensiwn o 55 oed ymlaen heb ganiatâd eich cyflogwr. Os ydych yn penderfynu ymddeol yn wirfoddol rhwng 55 a 60 oed, ni fydd unrhyw ddulliau diogelu Rheol 85 Mlynedd yn berthnasol yn awtomatig, a bydd eich buddion felly yn cael eu gostwng yn llawn. Fodd bynnag, os ydych yn penderfynu ymddeol ar neu ar ôl 60 oed, bydd unrhyw ddulliau diogelu Rheol 85 Mlynedd yn berthnasol. Mae’r gallu i weithredu’r Rheol 85 Mlynedd ar ymddeoliad gwirfoddol rhwng 55 a 60 oed yn ôl disgresiwn eich cyflogwr. Bydd gan eich cyflogwr bolisi ar y mater hwn.
Beth os wyf yn colli fy swydd neu’n gorfod ymddeol ar sail effeithlonrwydd?
Os bydd eich cyflogwr yn dileu eich swydd neu os bydd yn rhaid i chi ymddeol ar sail effeithlonrwydd, cyn belled â’ch bod chi’n 55 oed neu’n hŷn, bydd eich buddion yn cael eu talu ar unwaith heb ostyngiad.
Beth os oes rhaid i mi ymddeol oherwydd afiechyd?
Os cewch eich gorfodi i ymddeol oherwydd afiechyd, bydd eich buddion yn cael eu talu ar unwaith heb ostyngiad ac efallai y cânt eu gwella i ystyried eich salwch. Am ragor o wybodaeth, cyfeiriwch at y ffeithlen Salwch.
